الخميس، 5 سبتمبر، 2013

لقطات ..2

انك تبدأ الأخبار بقصة هزلية عن محاولة اغتيال وزير داخليتنا المبجل ... كوووم 
وأنك تبدأ بخبر عن استمرار عمليات جيشنا (الوطني) علي الحدود مع غزة لعمل (منطقة عازلة) .. كوم تاني خااااااالص .. 

والأدهي هو محاولة اقتحام المسجد الأقصي وزحف الفلسطينين إليه لإيقاف هذه المحاولات ... طبعا مش حاجة جديدة أكيد .. ولا هي آخر ولا أول مرة... 
بس الفرق المرة دي هو احساسك بالعار من أن اللي بيرعي عدوك هو (جيشك) .. من أن سبب ضعفنا وانكسارنا وهزيمتنا هو ..(جيشنا) ... 
طب وايه الجديد ...! 

رؤية العدو وهو بيتقوي ب(جيوشنا ) العربية وبأموالنا و رؤسائنا عيني عينك .. 
يعني لما تقرأ عن قصف مروحيات الجيش لــ(الارهابين) في سيناء وأنه :...



على الجانب الإسرائيلي، أشار موقع “ديبكا” المقرب من الاستخبارات الإسرائيلية في تقرير خاص نشره تعليقاً على هذه العملية إلى أنها المرة الأولى منذ 8 سنوات التي يفي فيها الجيش المصري بالالتزامات التي أبرمها حسني مبارك عام 2005 إبّان الانسحاب الأحادي من قطاع غزة. وفق زعم التقرير، اعتمد الجيش المصري على استراتيجيتين متزامنتين منذ الإطاحة بمحمد مرسي للتضييق على ما أسماهم “الإرهابيين” الذين يشكلون خطراً على كل من مصر و”إسرائيل”؛ وهما: إقامة منطقة عازلة بطول 14 كلم هي حدود مصر مع غزة، وإقامة عشرات نقاط التفتيش التي تحد من وصول الإمداد البشري واللوجيستي.*



يبقي المفروض تعمل ايه ...؟؟؟
لما تلاقي أن الحرب بقت ضد أهلك ... ووطنك** .. يبقي المفروض تتصرف إزاي ؟؟؟ 
بأي وش هنقدر نقول بعد كده أن لو حصلت حرب مع إسرائيل (جيشنا) الهُمام هيدافع عننا ؟؟ 
.... 

مشكلتي الشخصية مع الانقلاب أنه هدد أحلامنا بوطن حر .. بأمة عربية ممكن تقف تاني علي رجلها .. و بجيل كان عندي أمل أنه هو اللي هيحرر الأقصي ..."طبعا ده لو فضل منه حد عايش" ... 

وشايفة أن الفايدة الوحيدة ليه هو أنه كشفنا كلنا ... فضح المستور .. بين أننا بقالنا سنيين بنشتغل لأعدائنا بصدر رحب وسماحة نفس .. وأن غباءنا وانقسامنا كان بإيدينا .. 
وأن العذاب اللي بنشوفه دلوقتي .. نستحقه بجد ... 
"احنا بنتطهر بالدم"*** ... دي حقيقة .

... 
*الخير من مدونة أحب سيناء لــ / اسماعيل الاسكندراني .. 
والرابط ..

**وطنك .. 
لست اتحدث عن مصر منفردة .. وطني مصر وسوريا وفلسطين والعراق و ...... 

*** هيثم قطب محمد .

ليست هناك تعليقات:

إرسال تعليق